جمال الدين يوسف

السلطان الملك العزيز جمال الدين أبو المحاسن يوسف بن الأشرف برسباى، سلطان الدوله المملوكيه البرجيه (الشركسيه) الحداشر. حكم سنة 1438 لمدة تلت تشهر و هو عنده حوالى اربعتاشر سنه و نص. ابن السلطان الكبير " الأشرف برسباى " و امه " جلبان ".

بعد ما عيى السلطان الأشرف بارسباى و تقل عليه العيا اقترح عليه الأمرا انه يعتزل و يدى العرش لإبنه " يوسف " إكمن احوال البلد مش مستقره و هجمات العربان و فسادهم فى البحيره و الصعيد زادت و استفحلت فوافق و اتوفى بعدها.

اتنصب جمال الدين يوسف و هو عنده اربعتاشر سنه و سبع تشهر و اتلقب بـ " العزيز " ، و عين الأمير جقمق فى وظيفة " نظام الملك " جنب وظيفته أتابك العسكر.

حكم العزيز يوسف مادامش غير تلت تشهر ، ففى يوم 7 سبتمبر 1438 راح الأمير " قرقماش القبانى " للأتابكى " جقمق " و استدعى بقية الأمرا و الخليفه العباسى القاهرى و الأربع قضاه و طلب منهم عزل الملك العزيز و تنصيب " جقمق " بداله فعزلوا العزيز و بعتوه يعيش مع امه فى دار الحريم فى قلعة الجبل و اتسلطن جقمق مكانه.